2° Novembri

Ravanti e me' occhji,

nu muru menzu stonicatu

e 'na fotu vecchja sculuruta,

mi rassava senza lu hjatu

e c'a pinna menza appenduta.

Comu porta hjuri, 

'na buttigghjeja tagghjata,

cu nu hjuriceju siccu abbattutu, 

'na lamparina russa astutata

e nu buttuni menzu fundutu.

Nda l'anguleju, ravanti,

'na vecchjareja assettata,

nda nu sgabbeju 'i lignu picciriju,

parrava c'a vuci bracata

e ch'i mani cogghjuti pregava a Diu.